-->

എന്റെയും നിന്റെയും ഇടയിൽ - ഭ്രമം


എന്നാണെന്ന് എനിക്ക് ഓർമയില്ല. ഒരുപക്ഷെ ചികഞ്ഞുനോകിയാൽ എവിടെയെങ്കിലും ആ വളപൊട്ടുകിടക്കുന്നുണ്ടാവാം. പക്ഷെ ഒന്നെനിക്ക് ഓർമയിലുണ്ട്; ഒരു മഴ ദിവസമായിരുന്നു. കൊങ്ങുനാടിനെ തണുപ്പിക്കാൻ. തകരം മേഞ്ഞ വാടക മുറിയിൽ ഇരുന്ന് മഴയുടെ മണ്ണിൽ ചാലിച്ച മണം എന്നെ ഒരുപാട് ഓർമകളിലേക്ക് വിളിച്ചുകൊണ്ടുപോയി. നിസങ്ങതമായി നോകിയയിൽ നോകി ഇരുന്ന് എന്തോ വെളിപാട് ഉണ്ടായപോൽ ചെയറിൽ നിന്നും ചാടി എഴുനേറ്റു. റിലയൻസിന്റെ ടവർ കിട്ടുനിടതേക്ക് ചാഞ്ഞിരുന്നു വീണ്ടും. അക്ഷരങ്ങൾ ചുണ്ടിൽനിന്നും വിരലിലൂടെ ജിമെയിൽ ടെക്സ്റ്റ്‌ ബോക്സിൽ എഴുതിതുടങ്ങി. എന്തെ എഴുതിയെന്ന് ഓർമയില്ല. അത് ഒരു പ്രണയ ലേഘനം അല്ലയിരുന്നിരിക്കാം. കുംഭസാരമായിരുന്നോ ? 



 a*********j@gmail.com എന്ന ഒരാളെ ലക്ഷ്യമാകി പാഞ്ഞപ്പോൾ ആ മഴയുടെ കുളിരിനു പോലും പകർന്നു തരാൻ കഴിയാതെ പോയ ഒരു ഉഷ്ണത്തിൽ നിന്നുള്ള ആശ്വാസം കണക്കെ ഞാൻ ഇരുന്നു. ആരും വായിക്കാൻ ഇടയില്ലാത്ത ഉത്തര കടലിസിൽ എഴുതിയപോൽ എന്തെല്ലാം അതിൽ ഉണ്ടായിരുന്നിരിക്കാം... അവ്യക്തം എന്റെ ഓർമ്മകൾ. മറുപടി കിട്ടില്ലെന്ന് അറിഞ്ഞുകൊണ്ട് എഴുതുന്ന ഒരു കത്ത്. ഞാൻ ഓർത്തു ഞാനും ഒരു വേഴാമ്പൽ ആയോ ? ഇല്ല. വിവരക്കേടിന്റെ വിദ്യാഭ്യാസം എന്നെ അവിടെ എത്തിച്ചിരുന്നില്ല അന്നേരം. തിരിഞ്ഞും മറിഞ്ഞും കിടന്ന് പല രാത്രികൾ പതുക്കെ പതുക്കെ എനിക്ക് മനസിലാക്കി തന്നൊരു സത്യമാണ് - ഞാൻ അവളെ പ്രണയിച്ചിരുനില്ല. അതെ ഏതോ കവിതയിൽ ഞാൻ കേട്ട് പഴകിയ വരികൾ തന്നെ. വെറും ഭ്രമമായിരുന്നു വെറും ഭ്രമം.

0 comments:

Post a Comment